Hoërskool Wagpos neem jaarliks  aan die plaaslike kunswedstryd deel.  Hierdie opwindende geleentheid bied ongelooflike blootstelling aan ons talentvolle leerders.  Hulle neem deel in die volgende afdelings:  Voordrag, Voorbereide en onvoorbereide lees, Bybelvoordrag, Gedramatiseerde Poësie en prosa, samesprake, monoloë en improvisasie. Benewens hierdie afdelings is daar ook kuns, sang en musiek.

Ons streef daarna om elke leerder se potensiaal te ontwikkel deur hul die geleentheid te bied om in 'n groot verskeidenheid kulturele aktiwiteite deel te neem.  Leerders vind baie baat by deelname aangesien dit 'n puik geleentheid is om ook karakterontwikkeling te stimuleer.  Kurrikulum uitkomste word dus bereik, met die holistiese ontwikkeling van die leerders ingedagte. Ons beloon presterende deelnemers met sertifikate, balkies, erekleure en trofee's.